29.07.2021, 10:03
Қараулар: 143
Ақан әнші Шыңғырлаудан жүлделі оралды

Ақан әнші Шыңғырлаудан жүлделі оралды

Жуырда Қазақстан Республикасының Тәуелсіздігінің 30 жылдығына орай,«Рухани жаңғыру» бағдарламасы аясында Шыңғырлау аудандық мәдени демалыс орталығының ұйымдастыруымен «Алтын бесік ауылым» атты облыстық ән байқауы оздырылды.

Ақын, әуесқой композитор Қайрат Темірғалидің әндерін орындаушылар арасында өткен байқау онлайн режимде оздырылды. Оған Сырым, Қаратөбе, Бәйтерек, Бөкейорда, Тасқала, Жәнібек, Бөрлі, Теректі, Шыңғырлау аудандарының өнерпаздары қатысты. аталмыш байқауда Бәйтерек ауданының намысын қорғаған аудандық мәдениет үйінің әншісі Ақан Жекеков жүлделі II орынға ие болды.

-Шыңғырлаулықтар ұйымдастырған өнер жарысы өскелең ұрпаққа рухани байлығымызды дәріптеу, әндерді кеңінен таныту мақсатында ұйымдастырылды. Қатысушыларға ақын-композитор Қайрат Темірғалидің әндерін орындап, бейнебаян жолдау шарты қойылды. Аудан атынан өнер көрсеткен өнерпаз ретінде Мұқағали Мақатаевтың сөзі мен Қайрат Темірғалидің әніне жазылған «Шәмші қайда» әнін орындап, әділ-қазылар алқасының шешімімен II орынға ие болдым. Жерлес өнерпаздардың атын әйгілеп, әндерін дәріптеу біздің міндеміз,-дейді өнер додасында екінші орын иеленген Ақан Жекеков.

Аружан Аманжол,

Бәйтерек ауданы