24.06.2021, 12:44
Қараулар: 34
«НұрАй» тағы да қуантты

«НұрАй» тағы да қуантты

Бөкей Ордасы ауданында ҚР Тәуелсіздігіне 30жыл, Бөкей хандығына 220 жыл, Жәңгір хан мектебінің 180 жылдығына және сол ауданындағы би өнерінің негізін қалаушы ұстаз, дарынды хореографтың Нарын топырағына өзіндік ізін, дара қолтаңбасын қалдырып кеткен би өнерінің хас шебері Алматы, Мәскеу қалалары мен Германияда өнер көрсеткенн І және ІІ дәрежелі «Ана медалінің, ІІІ дәрежелі «Ана даңқы» орденінің иегері, ҚР Мәдениет министрлігінің Құрмет грамотасымен иеленген Гусманова Надежда Фатихқызы атындағы облыстық онлайн би байқауы ұйымдастырылды.

Екінші мәрте өткізілген «Билеген биім-еліме сыйым» өнер додасында бәйтеректік Үлгілі «НұрАй» және «Дарьюшка» би ансамблдері қатысты. Өңірдің әр ауданынан келген 15 би ұжымының арасында өткен сайысқа «Өнер саласының үздігі», қалалық Жастар мәдениет үйінің көркемдік жетекшісі, «Салтанат» би ансамблінің жетекшісі Бұлбұл Сапарғалиева, Ғ.Құрманғалиев атындағы облыстық филармонияның Халықтық «Назерке» би ансамблінің артисі, қалалық Жастар мәдениет үйінің «Салтанат» би ансамблінің жетекшісі, халықаралық, республикалық байқаулардың лауреаты Мирамгүл Таңатова және Надежда Фатихқызының кенже қызы Азат Гусманова қазылық етті.

Лайв режимінде өткен өнер сайысының қорытындысында «Дарьюшка» би ансамблі арнай дипломға ие болса, Гүлмира Алканова жетекшілік ететін үлгілі «НұрАй» би ансамблінің үлкен тобы екінші орынға ие болды.

-Сайыс онлайн өтті демесеңіз доғары деңгейде ұйымдастырылған. Біз бұл байқауға «Ғасырлар тоғысы» және «Express» атты екі ұсындық. Нәтижесі жақсы. Би өнерін жанына серік еткен өнер адамдарының шеберлігін шыңдай түсу үшін мұндай конкурстар жиі өтіп тұруы керек. Бұл жеңіс үлкен еңбектің арқасында келді,-дейді «НұрАй» би ансамблінің жетекшісі Гүлмира Алканова.

Түгелбай БИСЕН,

Бәйтерек ауданы