14.05.2021, 11:02
Қараулар: 29
Айт мерекесіне арналған турнир

Айт мерекесіне арналған турнир

Бәйтерек ауданына қарасты Жалын ауылында қасиетті айт мерекесіне орай футболдан жолдастық турнир ұйымдастырылды. Оған Новенький, Чувашка, Жалын ауылдарының командалары қатысты.

Ауыл жастарының спортқа соның ішінде футбол ойынына деген қызығушылығын арттыру мақсатында оздырылған бәсеке қызыққа толы болды. Жасыл алаң айқасын тамашалай келген көрермендер де қиқуға қиқу қосып сүйікті командаларын алға сүйреді.

Тартысты ойындардың қорытындысында ұлық мереке турнирінің бас жүлдесін Чувашкалық ойыншылар қанжығаына байласа, Новенький командасы екінші, жалын ауылының ойыншылары үшінші орынды иеленді. Жеңімпаз бен жүлдегерлерге ауыспалы кубок пен мақтау қағаздары табысталды. Ал командасын алға сүйреп, үздік ойын көрсеткен Ильяс Ісбатыр мен Нұрлан Сатанов «Үздік шабуышы» атанса, Мерей Қазиев «Үздік қорғаушы» Мирлан Жауырбек «Үздік қақпашы» атанды.

Болашақта ауыл жастары бұндай жолдастық турнирлерді жиі өткізуді қолға алмақ.

Түгелбай БИСЕН,

Бәйтерек ауданы